Gendang Beleq
![](http://upload.wikimedia.org/wikipedia/commons/thumb/b/b9/COLLECTIE_TROPENMUSEUM_Dans_met_trommels_op_Lombok_TMnr_10004743.jpg/250px-COLLECTIE_TROPENMUSEUM_Dans_met_trommels_op_Lombok_TMnr_10004743.jpg)
![](http://upload.wikimedia.org/wikipedia/commons/thumb/7/71/Raiyani_Muharramah_Gendang_beleq_DSCF8502a.jpg/250px-Raiyani_Muharramah_Gendang_beleq_DSCF8502a.jpg)
Gendang Beleq inggih punika silih tunggil alat musik tradisional sané wénten ring Lombok. Gendang Beleq mawit saking Wong Sasak, Lombok, Nusa Tenggara Barat, Indonésia.[1] Kruna Gendang mawit saking suarané, sakadi deng utawi dung. Beleq mawit saking basa Sasak sané maarti ageng. Gendang Beleq maarti gendang ageng. Kruna Gendang maasal saking swara gendang punika, daweg kapukul maswara deng utawi dung, Beleq mawit saking kruna basa Sasak sané maartos ageng, sapunka Kendang Beleq prasida kaartosang "kendang ageng".[2]
Dumun ring Lombok, Gendang Beleq kaanggén penyemangat prajurit sané pacang lunga miwah teka saking puputan. Nika mawinan Gendang Beleq kaanggén musik ring puputan. Mangkin Gendang Beleq kaanggén musik pengiring ring upacara adat, sakadi Merariq (pawiwahan), Sunatan (khinatan), Ngurisang (potong rambut anak alit utawi aqiqah) miwah begawe beleq (upacara ageng).[3]
Gendang Beleq wantah alat musik berkelompok tur ngwentuk orkestra. Orkestra Gendang Beleq mawit saking kalih Gendang Beleq sané kawastanin mama (lanang) miwah gendang nina (istri) sané maguna pinaka pembawa dinamika. Wénten taler Gendang Kodeq (gendang alit), perembak belek dan perembak kodeq pinaka alat ritmis, gong miwah kalih reog sakadi reog nina miwah reog mama pinaka pembawa melodi. Pemain Gendang Beleq nyalanang gendang sambilanga ngigel. Pemain Gendang Beleq wantah 13 ngantos 17 pragina.
Gendang Beleq madué nilai filosofis miwah kasakralin olih krama Suku Sasak. Krama Sasak madué papineh yéning Gendang Beleq madué nilai keindahan, ketekunan, kesabaran, kebijakan, ketelitian miwah kepahlawanan. Nilai-nilai punika sampun menyatu sareng hati krama Suku Sasak.[4]
- ↑ Thomasson-Croll, Mary Justice (2010-03-08). Frommer's Bali & Lombok (ring Inggris). John Wiley & Sons. ISBN 978-0-470-49776-0.
- ↑ Salam, Solichin (1992). Lombok pulau perawan: sejarah dan masa depannya (ring Indonesia). Kuning Mas.
- ↑ "Situs Resmi Pemerintah Kota Mataram | www.mataramkota.go.id". web.archive.org. 2014-05-21. Kaarsipin saking versi asli tanggal 2014-05-21. Kaaksés 2023-01-08.
- ↑ "Gendang Beleq, Sakralisasi Adat Suku Sasak". web.archive.org. 2014-05-21. Kaarsipin saking versi asli tanggal 2014-05-21. Kaaksés 2023-01-08.